Средновековни Словенски Ракописи во Македонија - Фрагмент од празничен минеј прва половина на 16 век

Хартија: 29 х 19,5 см.; 2 листа.
Писмо: По 27-30 реда во една колона. Писмото е полууставно. Српска рецензија, со форми и правопис од 16 век. Обично големиот ер е употребен во предлозите и префиксите, а малиот ер на крајот. Од надредните знаци употребени се акцентот, кандемата и паерок. Од интерпункцијата употребена е точката и запирката. Насловите и почетните букви се со црвено мастило, а останатиот текст со црно мастило.
Водени знаци: Не се запазени.
Орнаментика: Почетните букви се поголеми и иницијални.
Повез: Нов, од црно платно.
Содржина: Празничен минеј.
Потекло: Фрагментот е најден во с. Бешиште - Мариовско.
Локација: НУ-НУБ „Св. Климент Охридски“-Скопје

Средновековни Словенски Ракописи во Македонија - Фрагмент од октоих крај на 16 век или почеток на 17 век

Хартија: 14,5 х 13 см., 1 лист. Долната половина од листот недостасува. Горната лева страна од листот е оштетена. Недостасуваат неколку букви од првиот до петтиот ред. Хартијата е дебела.
Писмо: Л. 1 има 20, а л.1‛, 11 реда. Убаво полууставно писмо во една колона од XVI век. Употребени се двата ера ,но без правило. Обично големиот ер се употребува во предлозите и префиксите, а малиот ер на крајот. Од надредните знаци се среќава акцентот и кендемите. Интерпункцијата е изразена со точка и две точки. Насловите и почетните букви се црвени.
Водени знаци: Нема.
Орнаментика: Нема.
Повез: Нема. Се чува во папка.
Содржина: Фрагмент од октоих (четврток наутро на глас четврти).
Потекло: Фрагментот е најден во црквата во с. Зубовце - Гостиварско. Во НУБ „Св. Климент Охридски“ на чување е донесен од Бранко Матоски.
Локација: НУ-НУБ „Св. Климент Охридски“-Скопје

Средновековни Словенски Ракописи во Македонија - Фрагмент од цветен триод лазаревац крајот на 16 и почетокот на 17 век

Хартија: 27,5 х 19 см., 10 листови. Л. 1 му е искината десната половина. На л. 2 искинат му е долниот десен агол.
Писмо: Во една колона по 26 реда, освен првата страница која има 20 реда. Писмото е полууставно. Редакцијата е српска. Правописот под влијание на Ресавската школа, Ъ се употребува во предлозите и префиксите, а ь многу ретко обично на крајот од зборот, ї пред вокали. Акцент има, но ретко и недоследно. Се среќава и кендема. Од интерпункцијата се употребува точка и две точки. Насловите и почетните букви се црвени.
Водени знаци: „Сидро во круг со тролист одзгора“, контра марка „В со тролист“ и „Сидро во круг без тролист“.
Орнаментика: На л. 1 знаменце со плетенки од балкански тип, нацртано со црвено и црно мастило. Од орнаментот е зачувана само едната половина, бидејќи листот е оштетен. Почетните букви се поголеми.
Повез: Нов, картон завиткан во скај.
Содржина: Фрагмент од Цветен триод Лазаревац, почетокот од Лазаревата седмица.
Потекло: Фрагментот е најден во с. Стенче - Тетовско.
Локација: НУ-НУБ „Св. Климент Охридски“-Скопје

Средновековни Словенски Ракописи во Македонија - Фрагмент од монашки правила втора половина на 16 век

Хартија: 19 х 12 см., 1 лист. Горниот десен и долниот десен агол се отсечени.
Писмо: 20 реда на предната и 14 реда на задната страна бидејќи не е допишана до крајот. Во една колона полуустав.Ъ и ѣ се напишани со високи стебла, т троного, употребени се две форми на е (обично и широко), ж со три потези соединети на горниот дел, ѱ е напишано високо над редот соединето во коренот. Редакцијата е српска, од ресавската правописна школа, употребени се двата ера, големиот Ъ обично во предлозите и префиксите, а малиот ь на крајот од зборот. Од надредните знаци употребено е акцентот и кендемата. Интерпункцијата е со точка и запирка. Насловите и почетните букви се напишани со црвено, а останатиот текст со црно мастило. Ракописот е сличен, можеби од исти писар како ракописот НУБ Мс 99.
Водени знаци: Нема.
Орнаментика: Нема.
Повез: Нема.
Содржина: Фрагмент од монашки правила.
Потекло: Ракописот е најден во с. Клепач - Прилепско.
Локација: НУ-НУБ „Св. Климент Охридски“-Скопје

Средновековни Словенски Ракописи во Македонија - Фрагмент од четвороевангелие четврта четвртина на 16 век

Хартија: 30 х 21,5 см. 3 листа. Листовите се извлечени од цел ракопис.
Писмо: На л. 1 24 реда, 1‛ 26 реда, а останатите по 22 реда. Убаво полууставно писмо со форми од XVI век. Двоеров безјусов правопис. Еровите се употребуваат без правило. Во префиксите и предлозите покрај големиот ер се употребува и малиот ер. На крајот од зборот покрај малиот ер се употребува и големиот ер (на пр. вь немЪ и др.). Има вокализација на полугласот е. Употребено е Ѕ (Ѕьмїе). Од надредните знаци се среќаваат акценти и спиритуси. Интерпункцијата е изразена со точка и запирка. Насловите и иницијалите црвени, но има измешани и црвени и сини, а текстот со црно мастило.
Водени знаци: Сидро во круг со ѕвезда одозгора и контрамарка „Р-Ѕ“ со детелина внатре.
Орнаментика: На л. 1 насловот и почетната буква „ї“ иницијални, л. 3‛ буквата „Р“ иницијална.
Повез: Нема. Се чува во папка.
Содржина: Фрагмент од четвороевангелие
Потекло: Фрагментот го подари на НУБ „Св. Климент Охридски“ Алексоска Ратка од Кичево. Најверојатно листовите се од Кичевското четвороевангелие што се чува во Историскиот архив во Охрид под сигнатура М 296.
Локација: НУ-НУБ „Св. Климент Охридски“-Скопје

Средновековни Словенски Ракописи во Македонија - Фрагмент од четвороевангелие крај на 15 или почеток на 16 век

Хартија: 22,5 х 14,5 см., еден лист. Листот е оштетен на горната страна - недостасува парче.
Писмо: По 22 реда, во една колона, убав полуустав од втората половина на XV век. Македонска редакција, двоеров правопис. Носовките се мешаат, на пр. прїидошѫ, рекошѫ наместо прїидошѧ, рекошѧ и др. (аорис III л. мн.). Употребата на ѫ наместо ѧ се среќава и во јотирана позиција. На пр. моѫ наместо моѧ (акузатив мн.) и др. Се среќава и вдвојување на носовките пр. вльшѫѧ сѧ и др. Употребата на двата ера е без правило. Покрај губење на еровите во слаба позиција се среќава и вокализацијата на истите ъ>о, ь>е. Јотацијата не е систематска. Присутен е и африкатот ѕ пр. ѕвѣздѫ и др. Се среќава десетерично ї пред вокали. Акцентот е застапен но не редовно, се среќава и кендема. Од интерпункциските знаци употребена е точката и запирката. Упатствата и почетните букви се напишани со црвено мастило.
Водени знаци: На хартијата нема воден знак.
Орнаментика: Нема.
Повез: Нема.
Содржина: Фрагмент од четвороевангелие (од Матеј, глава 1, зачало 2 до зачало 3)
Потекло: Ракописот е најден во печатена книга од Дечанскиот манастир.
Локација: НУ-НУБ „Св. Климент Охридски“-Скопје

Средновековни Словенски Ракописи во Македонија - Два листа од псалтир втора половина на 16 век

Хартија: Л. 1: 16,5 х 12 см. Листот на десната маргина е оштетен, недостасува горниот десен агол каде што се оштетени првите четири реда. Л. 2: 19 х 12,2 см. На двата листа нема сочувани водени знаци.
Писмо: По 19 реда во полна страница (л. 2‛ има 13 реда бидејќи не е допишан до крај), во една колона, полуустав. Ъ и Ѣ се напипани со високи стебла, т троного, употребува две форми на е (обично и широко) и ж со три потеза соединети на горниот дел. Редакцијата е српска , од ресавската правописна школа, употребени се двата ера, големиот ер обично се употребува во предлозите и префиксите, а малиот ер на крајотод зборот. Од надредните знаци употребен е акцентот и кендемата. Интерпункцијата е со точка. Употребено е темно црвено мастило во насловите и почетните букви, а останатиот текст е со темно кафено мастило.
Водени знаци: Нема.
Орнаментика: Нема, освен две почетни букви што се напишани со црвено мастило и се поголеми, со мала доза на иницијалност.
Содржина: Фрагмент од псалтир
Потекло: Ракописот е најден во с. Клепач - Прилепско.
Локација: НУ-НУБ „Св. Климент Охридски“-Скопје