Македонците сами ги ослободуваа своите градови и села

митинг во ослободено Неготино

По добиеното одобрување од маршалот Тито а сходно договореното во Крајова 1944 год., Бугарите се вклучуваат во ослободителните операции иако би се рекло многу симболично.
Така Македонија во најголем процент е ослободена од сопствената македонска ослободителна војска а Бугарите се вклучуваат само во некои операции во источна Македонија. Но колку е и тоа вклучување сосем непотребно и симболично доволен е податокот дека од 13 поголеми места во источна Македонија само за две ако може да се каже дека Бугарите ги ослободиле иако без посебни борби а во три други делумно ги следеа македонските единици. Останатите градови (меѓу кои и Скопје) далеку послабо вооружените и недоволно пополнетите македонски единици сами си ги ослободија.
Но многу повеќе бугарските единици се предвидуваше да бидат употребени во доослободувањето на источна Србија, Косово и Метохија како и содејства со НОВ и ПОЈ на Сремскиот фронт. Така 1-та бугарска армија (командант Генерал-лајтнант Владимир Стојчев) која оперативно беше во состав на 3-ти Украински фронт од Црвената армија од 19-ти декември 1944 год.па до почетокот на јануари 1945 год. учествува во некои борби на Сремскиот фронт. Но и тука Бугарите се посрамотија па прашање е дали може да се каже дека тие “учествувале“ во овие борби.