Иван Наумов Аљабакот

Иван Наумов Аљабакот е велешки војвода, роден во село Ораовец – Велешко 1870 година, сместено во пазувите на планината Бабуна. Тој имал необична физичка сила, бистар ум, вообразеност и смелост. Тој бил вистински јунак роден за војвода, целосно оддан на револуционерната организација. Бил член на Крушевското горко началство, раководел при преземањето на касарната во Крушево, за време на востанието, учесник на низа битки во Битолско, Прилепско и Велешко, а посебно во “Азот“, на Бабуна.

Четата на Иван Наумов

Имал голем авторитет кај селаните и бил плашило за ренегатите. Во август 1907 година отишол на окружниот организациски конгрес во Спостранската Планина. На враќање оттаму, во село Белица, Кичевско, тој станал сведок на една страшна сцена: некои арнаути грабале една девојка за да ја силуваат. Аљабакот се затрчал за да ја одбрани, но бил убиен од заседа од арнаутите.