Христо Цветков

Христо П Цветков е македонски револуционер, деец на Внатрешната македонско-одринска револуционерна организација.Цветков е роден во 1877 година во костурското село Кономлади, тогаш во Османлиската империја, денес Макрохори, Грција. Влегува во ВМОРО и во 1900 година е четник во четата на Коте Христов.

Учествува во Илинденското востание во текот на летото 1903 година. По востанието е меѓу ретките дејци на ВМОРО, кои остануваат во Македонија и заедно со Митре Влаот се бори на новиот фронт против четите на грчката пропаганда.

По смртта на Митре Влаот,Христо Цветков е определен за реонски војвода на Костурски револуционерен реон а како негови помошници се Кузе Попдимов, Трајко Желевски и Пандо Чулков, а Тодор Дочев и Трпе Георгиев дејствуваат одделно.Во 1907 година Цветков е на чело на 30-члената Костурска чета која на пат од Бугарија за Костурско,зема учество во епска битка на врв Ножот и во голем дел четата е уништена.При избувнувањето на Балканската војна во 1912 година е доброволец во Македонско-одринското доброволство и е војвода на чета 25 од 14 луѓе и дејствува во Демирхисарско.Подоцна е во Костурската чета и служи во Нестроевата чета на 13 Кукушка дружина, а во Втората балканска војна е во здружената партизанска чета на МОО. Паѓа во грчко заробеништво и е ослободен на 4 март 1914 година.За време на Првата светска војна главната команда на бугарската војска му дава дозвола на Христо Цветков да води борба со српските чети во Македонија.

Костурската чета на Христо Цветков

Во 1921 година се вклучува во активностите на МФРО, заедно со Филип Атанасов, Павле Христов, А Василев и Крум Зографов и на состанокот во Тирана со членот на ЦК на ВМРО, Александар Протогеров, воспоставуваат комуникација за заеднички активности.На 15 март 1923 година четите на И.Филев и Христо Цветков водат борба со грците во Корештата, по што преминуваат во Албанија.

Четата на Григор Џинџифилов со четите на Георги Мончев, Гоце Меџуречки, Ѓакон Евстатиј, Стамен Темелков и Христо Цветков

Живее во Виена, каде што контактира со Георги Занков, Филип Атанасов и Славе Иванов.  Влегува во Внатрешната македонска револуционерна организација (обединета) и заедно со Лазар Поповски го внесуваат и Крсте Љондев во организацијата. Во почетокот на 1926 година ЦК на ВМРО (обединета) дава на Поповски и Цветков пари, за да организираат база на здруженија во Албанија.Се обидува без успех да врбува за ВМРО (обединета) и за заробените во Тирана автономистички четници. Според Дечо Добринов, Поповски и Цветков всушност се "агент-провокатори на српското контраразузнавање, што во форма на"обединение"ги користи за нарушување на работата и нелегалната мрежа на ВМРО во Западна Македонија и Албанија".
Умира во 1934 година во селото Ново Кономлади.Во 90-тите години во центарот на селото е подигнат споменик на војводата.